TIMU YA TAIFA YA OLIMPIKI YAONDOKA KUELEKEA LONDON

wachezaji wa timu ya taifa kwa ajili ya mashindano ya olimpiki wakionyesha  bendera walipokuwa wakiondoka uwanja wa ndege wa mwalimu Juilius Nyerere leo

hapawakielekea kupanda ndege tayari kwa safari yao

TIMU ya Tanzania inayokwenda kushiriki michezo ya Olimpiki imeondoka leo kwenye Uwanja wa Ndege wa Kimataifa wa Julius Nyerere kwenda London, Uingereza, huku ikiwa na matumaini ya kurudi na medali. Timu hiyo ya Tanzania yenye wanamichezo sita ambao ni wa Kuogelea, Ngumi za Riadhaa na Riadha imeondoka jana majira ya jioni kushiriki michuano hiyo inayoanza Julai 27 hadi Agosti 12 mwaka huu, yakishirikisha nchi 205.

Akizungumza muda mfupi kabla ya kupanda ndege, mmoja wa wachezaji hao, bondia wa ngumi za ridhaa, Seleman Kidunda, amejinasibu kufanya maandalizi ya kutosha kumuwezesha kurudi na medali, ingawa pia aliomba dua za Watanzania. “Naenda kulipigania taifa kuhamasisha mabondia ambao wanadhani kuwa Tanzania haiwezi. Lengo ni kuitangaza nchi na Afrika, hasa ukizingatia kuwa haya ni mashindano makubwa duniani. Muhimu kwa Watanzania kutuombea dua,” alisema Kidunda.