MBOWE KUMKABA KOO MKUCHIKA

Mwenyekiti wa Chama cha Demokrasia na Maendeleo CHADEMA taifa na mbunge wa jimbo la Hai mheshimiwa Freeman Mbowe akihutubia katika moja ya mikutano ya hadhara ya chama chake

Waziri wa nchi Ofisi ya raisi utawala bora Kapteni mstaafu George Mkuchika

Mheshimiwa Freeman Mbowe

MWENYEKITI wa Taifa wa Chama cha Demokrasia na Maendeleo (CHADEMA), Freeman Mbowe, ametangaza vita na Mbunge wa Jimbo la Newala, John Mkuchika kwa kile alichodai ufisadi mkubwa anaowafanyia wakulima wa zao la korosho katika mikoa ya Lindi na Mtwara.
Mbowe akihutubia katika mikutano aliyofanya katika Kijiji cha Nanguruwe na Viwanja vya Mahakama vilivyopo Newala mjini, alisema atambana mbunge huyo pamoja na viongozi wengine wakati wa vikao vya Bunge katika mambo makuu matatu, ikiwemo Jeshi la Polisi, zao la korosho na ukusanyaji wa mapato.